الخميس، 15 يوليو 2010

شيكرووووووو بااااااااااااااص

    بشوف دايمآ في القنوات الخليجية كلمة كده بتوجع قلبي " أماراتي وأفتخر"
      أغير القناة الاقي " سعودي وأفتخر" أغير وأجري  علي  قناة تانيه         ألاقي برضه  نفس الكلمة حتي التشيك برضه بيقولها" تشيكي وأفتخر"
لحد ما قلت ما بدهاش بقي هي جت علينا يعني وبقولها بعلو صوتي وقلبي جااااامد أوي  . " مصري وأنتحر " حد عنده أعتراض طبعآ أي واحد ركب شيكروباص
زي  الأمور ده يبقي بينتحرعمدآ مع سبق الأصرار  والترصد.................!

                                        " مصري وأفتخر"
 "بعد الثورة مش اقدر أخليهامصري وأنتحر من هناورايح كلناهنفتخربمصريتنا"


         شكلوامش غريييييييييييييييييييب..........................! مش كده 

   والحقيقة وربنا أن دي صورة  حيه لعلبه صفيح يووووووووه  سوري  أصدي 

  صورة حيه لميكروباص ميت  من الأهره الكبري ويرجع تاريخ هذا الأثر الغير نادر

  علي الأطلاق بل ومرمي في كل حته أو خرابه  الي عصر محبوب الملايين عفروتو 

   وطبعآ كلكوا عارفين عفروتو اللي خاربها وأعد ع تلها مش عارفه مستني أيه بجد

             حلقات الميكروباص دي هتبدأ أن شاء الله بعد شهر رمضان المعظم   

                     "   مع شيكروباص مش هتقدر تغمض عينيك "                    
         
                                  بس أحتمال متشوفش تاني                           
 
                                    بااااااااااااااااااااااااااااااااي

هناك 64 تعليقًا:

السُـلطانة يقول...

السلام عليكم ورحمة الله وبركاته ..

مدونة اسمها جميل والصورة أجمل .. ما في حد كتير بيفتكر الناس الغلابة اللي مساكين ومش لاقين مواصلات ويوم ا يلاقوا تعمل حدثة مع الأسف.

في الحقيقة أختي في الله تغيظني كثيرا هذه الجملة .... وأفتخر، فهي تنم عن العنصرية المتجذرة مع الأسف في جزيرة العرب، وتعود بنا إلى عصر الجاهلية قبل الإسلام.

أما عن مصري وانتحر .. فهي تنم عن أن الأوضاع قد ساءت فعلا .. ولولا أن الشرع يحرم الإنتحار لقلت لك وفقك الله في قرارك، لكن التريث في الأمر، ومعاودة التفكير قد تجعلك تقولين مصرية بجد مش لعب عيال.

Alaasalim2 يقول...

السلام عليكم

مدونه جميله وفكرتها أجمل
ومنتظرين اليوميات اللي أكيد هاتكون جميلة ومعبره عن الواقع اللي بنعيشة

الميكروباص يقول...

كويس انها شيكروباص
اصل انا عندي ميكروباص


بالتوفيق

فاروق سحير ( فاروق بن النيل ) يقول...

أفروديت ......
أنا شفت ميكروباص قصدى شيكروباص حالته أصعب من كدة وكنت على وشك ركوبه طبعا قبل ماربنا يرحمنى وأجيب عربية وكان فاتح بقه سنانه باينه وصايع وبلطجى وبيقول بصوت عالى وسع ياد لاطلع " ديـ؟؟؟؟؟؟؟؟؟!!!!!" وأنا شخصيا معترض على " مصرى وأنتحر" للأنها حرام وأبدليها" مصرى وأعتذر" دا الشيكروباص هوه اللى بينتحر موش إحنا لأننا جتتنا نحست وبقينا أصلب منه راكبين فوق دماغه والكراسى حديد مفرغة مضطرة تركبى على حرف الكرسى من قدام عشان عيل يركب وراكى وفى النص تهوية طبيعية غير التهوية الخلفية والأرضية والجانبية أمال نبقى فراعنه إزاى وعندنا معجزات لم يصل إليها البشر " تحنيط المومياوات - الشيكروباص - التوك توك - "

افروديت يقول...

وعليكم السلام ورحمةالله وبركاته /ع سلطانة المدونات ..وأناكمان بتغيظني لأنهاغريبة أقولك الحق أحنالو حتي عندناكل حاجة مكن تخلينانفتخركفاية مشكلة فلسطين لوحدهاتخليناننسي يعني إيه فخر"بقول للناس دي ..خلواالطابق مستورأحسن"
أما"مصري وأنتحر" مجردكلمة ولاتصل الي الفعل الحمدلله أناأعقل من كده بكتييييييييييييير...نورتي ياسلطانه وشرفتي أسعدني تواجدك

افروديت يقول...

alaa salim علاء سالم/وعليكم السلام.. ميرسي ياعلاء علي ذوقك وومرورك وأن شاء الله تكون كويسه وتعجبكوا

افروديت يقول...

لورنس العرب/ لا مش تقلق أناعمله حسابي وكنت بدخل ع مدونتك ميكروباص والفيديو كويس وواقعي ..ميرسي ع مرورك

افروديت يقول...

فاروقبن النيل / يااااااااااااااه ببقي مبسوطة جدآ لمابتشرفني بزيارتك ومرورك.. أنت ضحكتني أوي لا أنت لازم تشترك بقي في اليوميات دي بحكاية عشان عندك معلومات جامدة أوي عن الشيكروباص .. أناموافقه أغير كلمة "أنتحر" بس نخليها أعتذر ليه يعني يرضيك نركب شيكروباص زي اللي في الصورة ولا زي اللي أنت شوفته وكمان نعتذر ..ممكن تفكر معايا ونشوف كلمة تانيه..نورت ياأستاذ وشاعر مدونات مصر.أسعدني تواجدك

Beram ElMasry يقول...

الاخت العزيزة افروديت
شكرا لطيب مشاعرك وتفضلك بمواساتي لا اراك الله مكروها في عزيز لديك وابعث لشخصك الكريم باجمل الاتهاني بقدوم شهر رمضان اعاده الله عليك وجميع اهلك بالخير وسلام ولاسلام مع بني اسرائيل

Tarkieb يقول...

ههههههههه انت فتحتى فرع تاني وجيبتي شيكروباس كمان والبلية لعبت معاكي اهو ...لسة حنستني لبعد رمضان؟ يا ستي خليها يومي في رمضان بقى

UncŁē Sam يقول...

يارب تكون مدونهتطلعنا من جو الاكتئاب بقى

بس الاسم حلوا
وكمان هنشوفها ع موجه كوميدى :D

-----
مبروك المدونه الجديده واعبال افتتاح صالة البلياردوا
:D
تقبلوا مرورى
المتواضع
الموتظئلت
الموتفئلط
:D

khaled يقول...

أول الشارع لو سمحت

همسات وبحــ الحياه ــر يقول...

هههههههه
جميلة الفكرة
وعلبه السردين دى شكلها نألوف عادى هههه
عندنا منها كتير فى البلد
منتظرين جديدك ياقمر
ليكى عندى تاج تعالى خديه :)

maxbeta3zaman يقول...

هل سمعت عن مصطلح "موكيت "..مكان موكيت
انها تعنى ركوب الراكب مقرفصا على أرض المشروع " هكذا يسمى السرفيس فى اسكندريه " وذلك عنما يكون المشروع مليئا ويطل احد الواقفين مشيرا بيده بإشارات متفق عليها (وهذه نكتة أخرى)...فيرد عليه السائق موكيت : أى يمكنك الجلوس بين أرجل الركاب متمتعا بريحة الشرابات وماية السمك المشوى ومفعصات الطماطم التى تنساب من ممتلكات الركاب القعود.

فكرة من الزمن ده يقول...

مبرووووووووك ياقمر يا اشقى بنوتة يلا هاتي اللي عندك ورينا
مستنياكي

باحث عن حب يقول...

اولا


مبروك
مع انك
مقولتيش
وبالصدفه
بدور
عليكى
وقفشتك

مع افروديت
مش هتقدر
تغمض عنيك
مستنينك

محمود المصرى يقول...

شيكروباص ده ممكن تسميه شيكروباظ ولا شيكرومات صدقينى اْذا كان ميت ولاسليم فى الحالتين هو مصيبة العصر الحديث بس هو عامل زى السكينه فيها اْزى كبير بس منقدرش نستغنى عنها
متنسيش تشوفى موضوعى الجديد ومتنسيش التعليق
اخوكى راكب الميكروباص
محمود المصرى

Tarkieb يقول...

عيد سعيد و كل عام وانتم بخير

فاروق سحير ( فاروق بن النيل ) يقول...

أفروديت ....
طيب بتلومينى ليه إنى غبت سشهر ونص عيان وماباكتبش قصايد ولما أرجع وإكتب تلات قصايد ملاقيكيش موجودة أنا زعلان منك

baby يقول...

مشششششش ممكن انا ركبت حاجه زى دى اول ما مشينا قولت اشهد ان لا اله الا الله وان محمدا رسول الله وفى نصف الطريق حصل ان كاوتش فرقع ونزلنا وحلفنا ما نرجع نركب فيها تانى لالالا تتصورا مدى الاهانه اللى الواحد حس بيها وقولت لنفسى انتى اللى غلطانه انك وافقتى تركبى عربه الموت دى بس الحمد الله ربنا ستر وركبنا مكروباص تانى ووصلنا بحمد لله ...... فين الرقابه وادارة المرور علشان تحاسب الناس دىىىى ولا ارواح الناس ببلاش حرام عليكى يا حكومه

محمد التركى يقول...

السلامو عليكم

ياااااااااااااااااااااه
أنتى فين يابنتى انا فقدت الامل فى رجوعك تانى
قولت بعد بوست الريس
خلاص فوفو رااااااااااااحت
ومش راجعه تانى

حمدله على سلامتك ياقمر
الحمد لله انك بخير بجد
طيب مش اللى يبعد ده يقول علشان منقلقش عليه

مش مهم المهم انك رجعتى من تانى تنورى عالم التدوين

ياريت بقى تنزلى حاجه جديده مستنيين كل جديد

تحياتى لصاحبه شخصيه ابهرتنى

محمـــد التركـــى

سواح في ملك اللــــــــــــــــــه- يقول...

هي عشة الفراخ دي بتتباع فين

Tarkieb يقول...

كل عام وانت شيكروباص

Carmen يقول...

ده بيركبوه ولا بيشيلوه ^_^
مدونة عسولة زيك حبيبتي

هبة فاروق يقول...

مدونة جميلة
واعتقد ان الميكروباس دة مش ميكروباس دة ميكروبات
وعلى فكرة مصر والله حلوة
وانا افتخر انى مصرية رغم كل الظروف
تقبلى مرورى

كلام على بلاطة يقول...

واحنا بنفتخر ايضا بس بالسلبيات

♥ ♥ Amira Samy ♥ ♥ يقول...

فكرة جميييييييييلة جداً
أفروديت أتمنى تبدأ الحلقات
قريب و ان شاء الله أكون من أول
المتااابعين فأنا (مصرية و أنتحر)
تسلم أيدك

افروديت يقول...

BERAM ELMASRY/ اهلا بيك

ربنايخليك ياأستاذ بيرم ويعطيك الصحه والعافيه

بشكرك علي مرورك الغالي وكلامك

تحياتي ليك ياأطيب الناس

افروديت يقول...

TARKIEB/ هههههههه

أه لعبت البليه وفتحنافرع تاني

واحتمال قريب نعمل فرع قطع غيارصيني

ميرسي ياتراكيبو علي مرورك وكلامك

افروديت يقول...

QLP_7ZEN قلب حزين /

بشكرك ياسولو علي كلامك ومرورك

تحياتي ليك ياشاعر الفيوتشر

افروديت يقول...

KHALED/ لا .. لاياكابتن

النزول والميكروباص ماشي

أحنامش بنركن لحد

نط أحسنلك

افروديت يقول...

دموع القمر/
ميرسي ياقمر علي مرورك الرقيق

نألوفه فعلآ

افروديت يقول...

MAXbeta_zaman/ هههههههههههه

الله يكون في عونك بجد وفي عونا بس موضوع الشرابات ده أكيييييييد صعب جدآ ومش محتمل

يعني نموت وكمان مخنوقين

حرام بجد

افروديت يقول...

فكره من الزمن ده /


ميرسي ياأحلي فكرة

هنقول بس أنتي تابعي


ماشي ياقميله

افروديت يقول...

محمود باحث عن حب / هههههه

ميرسي يامحمود ربنايخليك وتنجح

أن شاء الله

افروديت يقول...

محمود المصري / ههههههه

أرجع بس يامحمود وأنا أذيع الحلقات

ماشي

افروديت يقول...

tarkieb/ ميرسي ياتركيب كلك ذوق بجد

افروديت يقول...

فاروق بن النيل /
شاعرنا الكبيرالرائع ربنايخليك
أكيد هقرا قصايدك اللي فاتتني

ونعتذر عن التأخير

افروديت يقول...

baby / سلامتك ياأرق بابي


مش هترجعي بقي

منتظراكي ترجعي تكتبي تاني

افروديت يقول...

محمد التركي / وعليكم السلام ورحمة الله وبركاته

ميرسي يامحمد أنت حد طيب وكويس أوي وربنايخليك علي كلامك الحلو الكتيييييييييييييييييييير أوووووووووووووووووووووووي

عليه

مدونتك أحلي كتير بجد

ميرسي علي ذوقك

افروديت يقول...

سواح في ملك الله /


في كل حته في مصر والتوصيل مش مجانآ ومش لحد البيت وغالآ بتعمل حوادث جامده ياسواح

خاف علي نفسك عشان أنا دفعت كتير علي ما أشتريت الشيكروباص الجامد ده

افروديت يقول...

tarkieb/ وانت طيب ياتركيب

ياللي دايمآ فاكرنا ربنايخليك يارب

افروديت يقول...

karmen / ههههههه

دا بيسحلوه ياحبيبتي

متاخديش في بالك

افروديت يقول...

هبه فاروق / كويس أن في حد بيفتخرلحد دلوقتي

أفتخري ياهبه بس مش تنكري أن أنتماءنابدء يقل من الهم اللي عايشينه


وعلي فكرة الميكروباص ده هو سبب أنفلونزاالخنازير اللي في البلد

افروديت يقول...

كلام علي بلاطه /

مش عندناحاجه ياأستاذ نفتخربيها وبصراحه ولاهما

تحياتي لحضرتك ولمرورك

افروديت يقول...

سلسبيل / بعد الشرعنك ياقمر

وان شاء الله تبدء الحلقات

ميرسي ياسلسبيل علي مرورك وكلامك

محطات ثقافية يقول...

السلام عليكم ورحمة الله
فعلا تتقنين اختيار العناوين والموضوع مكتوب بشكل جميل وراقي
بارك الله فيك

فارس عبدالفتاح يقول...

هي دي مصر ولو مفهاش الحاجات دي مش هتبقى مصر .

وايضا لو مشفناش الفيلل والقصور والعربيات اخر المديل الفارهة التي تركبها الطبقة المخملية التي تنظر الى الذين يركبون الشيكروبصات دي على انهم خلق اقل وليس لهم الحق في العيش في كرامة انسانية .


لان ربنا خلق الناس طبقات يعني هما اتخلقوا ليكونوا وعمال وفلاحين يقدمون خدمات للاغنياء ليس إلا .

افروديت يقول...

حلم / ميرسي حبيبتي دا من ذوقك بجد

أما العناوين دي بتطلع من رد فعلي ع الموقف أو الشيء اللي أستفزني

ميرسي علي مرورك

افروديت يقول...

فارس عبد الفتاح / تثير أعجابي تلك التعليقات التي فيهانقاش ياأخي وأنت خيرمن يتم نقاشه

أولآ /السائق الذي يعتبر أيضآمن ضمن الطبقة المخمليه كماتطلق عليها اذا أختلفت معه علي شيء كالأجرة أو غيره تجده يقول لك "مش عاجبك أنزل أركب تاكس" الرغم من أن المواطن راكب الميكروباص رغمآعن أنفه من سوء شكله وقيادة سائقه وأنا أسمي هذا أنحدار أخلاقي شبه عام في الطبقة المخمليه هذه

ثانيآ/أعترض وبشدة علي أن العمال والفلاحين خلقوا من أجل تقديم الخدمات للأغنياء علي حد قولك .....

فأنا أحترم العامل الذي يمشي بالشارع أو نراه في اي مكان عن اي وزير أو مسئول والفلاح يكفي أن يداه مشققه من حرث الأرض أيام ما كان فيه زراعة يعني مش أيديه ناعمه وحريرية من كتر المساج اللي بيعملو ه من فلوسنا المسروقه

أعلم أن رأيي لن يتعارض مع رأيك
ولكن أذا كان الفلاح والعامل وغيره مجبر فالشعب كله مجبر والحكومة أجادت تخديره وأستخدامه وشكلته كقطع الصلصال


أرحب بك وبأرائك في كل وقت

فارس عبدالفتاح يقول...

رمز الجمال افروديت

انا لم اطلق مصطلح الطبقة المخملية على سائقي الميكروباص او السائقين بصفة عامة انما اطلقته على الطبقة الغنية الراسمالية المتحالفة مع السلطة .

واقر لك بان السائقين لديه سوء اخلاق لا يوصف وهذا نتاج سياسيات اجتماعية واقتصادية قامت بها الحكومة ادت الى تفشي الاخلاق السيئة في المجتمع والسائقين احد اطياف هذا المجتمع .


اما عن الفلاحين والعمال اي الطبقة العاملة وقوى الشعب العامل فهم شرفاء هذا الوطن وما قلته عنهم انهم يقدمون خدمات للاغنياء فهذا من وجهة نظر الاغنياء ( الطبقة المخملية ) بناء على فلسفة خاطئة تقول ان الله خلق الناس درجات وان ما دام الله قد خلق الناس درجات فهو سبحانه وتعالى خلق هؤلاء الناس ( العمال والفلاحين ) ليقدموا خدمات للاغنياء وهذه ارادة الله .

وهذا يخالف جوهر الاسلام وكل القيم الانسانية التي ينادي بها الشرفاء من بني ادم في العالم كله بجميع اديانهم ومعتقتادهم .


فارجو ان ترجعي الى تعليقي الاول مره اخرى .


تقبلي كل تقدير واحترام .

فارس عبدالفتاح .. قومي عربي

افروديت يقول...

فارس عبدالفتاح / بشكرك جدآ ع التوضيح ..يبدوأني قرأت تعليقك السابق سرعة بعتذرلك هذاخطئي


ولوكان كماقلت في توضيحك فابالفعل أتفق معك تمامآ

تحياتي لك

zzz يقول...

صباح شريف افروديت بجد انا معجب جدا بكتباتك الجميلة دى ومشعارف الوحى الى عندى قطع لية يمكن عشان العزل العقلى الى كنت فية او عدم التفكير بى المرة طيب يترة دا من اية اهديلك القصيدة دة من الشاعر الكبير الكبير هشام الجخ

شعور سخيف
إنك تحس بإن وطنك شيء ضعيف
صوتك ضعيف
رأيك ضعيف

إنك تبيع قلبك وجسمك
وإنك تبيع قلمك وإسمك
ما يجيبوش حق الرغيف

سألوا جحا عن سر ضحكه
قالك أصل اتنين وشبكو
اللى كان من تحت ميت
واللى كان من فوق كفيف

دا شعور سخيف
وشعور سخيف
إنك تكون رمز الشحاتة
تبنى مبنى للشحاتة
تعمل وزراة للشحاتة

يا ساقية دورى ... عدى فوقى ودوسى
نصبوا عليا وشحتونى فلوسى
ربطونى فيكى .. حتى ما اتغميت
هما اللى فرحوا ووحدى أنا اتغميت

أنا اللى صاحب البيت
عايش بدون لازمة
ولما مرة شكيت
إدونى بالجزمة

أنا اللى زارعك دهب
بتأكلينى سباخ
إن كان دة تقل ودلع
بزيادة دلعك باخ
لا شفت فيكى هنا
ولا شفت فيكى ترف
كل اللى فيكى قرف

كرامتنا متهانة
واللقمة بإهانة
بتخلفينا ليه لما انتى كارهانا

يعنى ايه تبقى إنتى هبة النيل يا مزة
وكل يوم المية تقطع
يعنى ايه لما اشتكى غلو الفاتورة
يقولو تشكى بس تدفع

لما قش الرز ثروة بتتحرق
وأما نفط الأمة ثروة بتتسرق
وأما جلادك على ولادك بيبطش
وأما علمك ما يلاقيش يآكل فيطفش

يعنى ايه نرفع ايدينا بالسلام لجل الغزاة
ويعنى ايه لما ابقى ماشى فى حالى اتشد اشتباه
يعنى ايه لما اتحبس أربع سنين حبس احتياطى

يعنى ايه مش حاسة بالعمر وغلاوته
بتصبى مر العمر ليه
دة انا كنت ح اوهب لك حلاوته

أنا عمرى ما أتأمرت
ولا حطيت شروطى
ومكان ما ترسى مركبك
بابنى شطوطى
أنا كنت جيشك لما مماليلك باعوكى
وكنت يوسف لما عشتى سنين عجاف
وضلوعى دى اللى فى معركة قادش حموكى
وشفايفى دى اللى ما بطلتش فى يوم هتاف
دة انا كل شبر فى أرضك اتمرمغت فيه
وكل يوم عشتيه
أنا اتغذبت بيه


علا صوت أدانك جرس
فى الشدة صاحينلك
من امتى كانوا الحرس
هما اللى باقينلك

بعتينى علشانهم
وعنيكى معصوبة
ياهلترى خاينة
ولا زيى مغصوبة



علمونا بالعصاية
ورضعونا الخوف رضاعة
علمونا فى المدارس
يعنى ايه كلمة قيام
علمونا نخاف من الناظر
فيتمنع الكلام
علمونا ازاى نخاف
وازاى نكش
بس نسيوا يعلمونا الاحترام
فمتزعلوش
لما ابقى مش باسمع كلامكم
وماتزعلوش لما ابقى خارج عن النظام

مستنى ايه من طفل ربوه بالزعاق
غير المشاكل والخناق
كل اللى بيقولك بحبك دول نفاق
أنا لما قلت لك بحبك
كان نفاق

الحب يعنى اتين بيدوا
مش ايد بتبنى وستميت تيت تيت يهدو
الحب حالة
الحب مش شعر وقوالة
الحب يعنى براح فى قلب العاشقين للمعشوقين
يعنى الغلابة يناموا فى الليل دفيانين
الحب يعنى جواب لكل المسجونين
هما ليه بقوا مسجونين
يعنى أعيش علشان هدف
علشان رسالة
يعنى احس بقيمتى فيكى
إنى مش عايش عوالة

يعنى لما اعرق تكافئيى بعدالة
الحب حالة
الحب مش شعر وقوالة

الحب حاجة ما تتوجدش فى وسط ناس
بتجيب غداها من صناديق الزبالة

بارت مراعينا والبئر قد جفَ
والجوع يكوينا والصبر ما كّفى
والقلب لا يهدا والجرح لا يشفى
ولأننا طوع
زنا لهم خفا
جاءوا بموكبهم
واشتغلت الزفة

الدفة مظبوطة
وأصلا مافيش دفة
والكفة مش مايلة
علشان مافيش كفة

و جحا اللى جاى بالليل لساه بيتخفى
شايف ديدان الغيط سارحة ومارحماشى
من جبنه شاف الدود سابه وراح ماشى
ولا اتكسف للناس
ولا حس على طوله
الناس عشمها كبير جريوا بيشكوله
ضحك جحا ضحكة مواشى
مادام بعيد عن طينى ... ماشى

الدود قاعد لك يا جحا ولابد فى طينك
بعد ما يمص فى دمانا مش حيحلاله الا طينك

احنا اهلك
احنا رجالتك
أمانك
إحنا وقت الشدة سندك
إحنا زادك

يا جحا احمى ولادك
لو كنت عايز تحمى طينك
سوف أرحل
ربما يلقانى من ارجو لقاه
هامشى ويا الشحاتين

وابكى على حلمى اللى تاه
بس مش هاشحت رغيف
هاشحت وطن لله

افروديت يقول...

صقر المصري/ بجد ..بجد أنامبسوطه جدآ أولآ /لتشريفك لزيارة مدونتي المتواضعه

ومبسوطة أنك بتكتب كلام لأحلي الأشعار اللي بحبهاجدآ وبتعبرعن كل مواطن عادي وضعيف

بجدياصقرأن كنت المرة دي كتبت قصيدة ل هشام الجخ فقصايدك كمان بحب أقراهاجدآ وبكون سعيدة من رغم وجع الكلام وواقعه لأن في ناس زيك كده موهوبين وحاسين أوي بمصر

كل زيارة ليك ولو مرور من غيرتعليق بكون سعيدة بيها ياريت مش تحرمنامن زياراتك وكلامك الرائع
ميرسي ياصقر

zzz يقول...

الــــــــــــــى أفروديت الجميلة
أفروديت .....أسطورو الحب الخالد



انا جدا ممتن لتعليقك الجميل وى الوصف الجميل
اللي طلع زى الشمس لما بطلع فى يوم بارد شديد
مقلتك كلة حيوية ونشاط
وفية شوكولاته من جوة
ياريت نكون اصدقاء بجد عندى مشروع بعد 120 يوم
على المدونة مجموعة حلقة فيديو اسمة هو في اية
ومحتاج شريك علشان الموضوع كبير
egyptian1ster@gmail.com
egyptian_free@yahoo.com
egyptian_free@hotmail.com
ودى الايميلات بتاعتى
يريت نحقق اتصال
اهــــــــــــــــــــــــــــــــدا
إني بَحَّارٌ تَرْفُضُنِي كُلُّ الشُطْآنِ فَأَتَنَقَّلْ
اِعتدتُ السفرَ على مَضَضٍ وَ قَضَيْتُ حياتي أَتَجَوَّلْ
أرتشفُ بلاداً ونساءً فَهُنـا عَسَلٌ وهُنا حَنْظَلْ
و هنا عِشْتُ كَلِصٍ نَذْلٍ وَ هُنَا كُنْتُ نَبِيَّاً يُرْسَلْ
و هنا ذَبَحُوا شِعري عَمْدا وهنا شعري صارَ يُرَتَّلْ
وأنا والغُربةُ ما زِلْنَا نبحثُ عن وطنٍ لِنُظَلَّلْ
صادقتُ الغُربةَ في الغربةِ وقضيتُ سنيناً أَتَعَلَّلْ
بَرَّرْتُ جميعَ حماقاتي وَ ظَنَنْتُ بأني أتَجَمَّلْ
اليومَ أُزِيلُ عباءاتي وَ أُكَشِّفُ عن وجهي الأَوْحَلْ
مَلِّي عينيكِ بِلاَ خَجَلٍ فأنا الـمَوحولُ ولا أخجلْ
أَغْرَتْنِي أحلامُ الصِّبْيَةِ فَعَدَوْتُ إلى حُلْمِي الأمْثَلْ
وَ بدأتُ السفرَ بلا زادٍ وظننتُ بأني أتعجَّلْ
وَ نسيتُ اللهَ.. فأَهْمَلَنِي مَنْ ينسَى اللهَ وَ لا يُهْمَلْ ؟
حُمِّلْتُ بأثقالِ الدُّنيا أهربُ مِنْ ثِقْلٍ للأثقَلْ
و التفَّتْ طُرُقِي مِنْ حَوْلِي واختلطَ الأَقْصَرُ بالأَطْوَلْ
واخْتَلَطَتْ أحْرُفُ لافِتَتِي فَوَقَفْتُ مَكَاني كالأخْطَلْ
لَمْ أُسْطِعْ أن أُكْمِلَ سَيْرِي فجلستُ وحيداً أَتَسَوَّلْ
وَ بَنَيْتُ مَزَاراً وَ مَبِيتاً لا يَصْلُحُ إلاَّ لَلثُّمَّلْ
وَ قضيتُ حياةً واهِنَةً لا تَسْوَى في نَظَرِي خَرْدَلْ
فَعَلامَ تُرِيدِينَ بُكَائِي ؟ وَ أنا ذو قلبٍ مُسْتَعْمَلْ
أَبْلاَهُ الماضي لم يَتْرُكْ شيئاً لِبَلاءِ الـمُستقبَلْ

لا تَتَّهِمِينِي في عِشقِي فأنا أعشقُ حتَّى أُنْحَلْ
والجملُ وإن يعطشْ يصبِرْ وَ كَفِعْلِ الجَّمَلِ أنا أفعَلْ
أَهْلِكْتُ شَبابي وسنيني فَرَمَتْ بِي في صفِّ الكُهَّلْ
وَ وقفتُ بعيداً لأشاهدَ قصةَ عُمرِي وهِيَ تُمَثَّلْ
رفعوا خنجرَهم ودموعي لم تجعلْ أحداً يَتَمَهَّلْ
والتهبَ المسرحُ تصفيقاً وأنا أُطْعَنُ وأنا أُقْتَلْ
فَعَلامَ تظنينَ بِأنِّي آتٍ مِحْرابَكِ أتَبَتَّلْ ؟؟
دَوْرُكِ في الـمَشْهَدِ فَرْعِيٌّ بِوُجُودِكِ أو دُونَكِ يَكْمَلْ
وَكِلانا مكتوفُ الأيدي وَ سِتارُ المسرحِ لا يُسْدَلْ
والـحُكْمُ الصادِرُ في أمرِي حُكْمٌ فَصْلٌ لا يَتَأَجَّلْ
فدعيني في موتي وَحْدِي فأنا والغُربةُ لا نُفْصَلْ
ما دامَ الوطنُ بلا شيءٍ فالموتُ على شيءٍ أفضلْ


http://www.facebook.com/egyptianfree

faroukfahmy يقول...

الست ام دم خفيف ولطييف افروديت -----هذا الكلام المجازى المختصر يحمل معانى كبيرة وهادفة .. انت ايه بالظبط انا مبهور بيكى ؟ اقولك انت ايه انت كل حاجة ولم تتلركى حاجة بتصوير كلماتك حتى الصورة صادفت محلها دمتى ياست المجازات والمختصرات

فشكووول يقول...

افرودييييييييت
ازيك

والله الشيكروباص روعه وحاجه كدا ترد الروح للقلب المشروح
اصل هما بيجيبوا اى صندوق ويركبوا له عجل ويكربسوا الناس فيه .. المهم انهم ياخدوا اجره وخلاص
اصل الحق مش عليهم .. ما عدش فيه مرور ولا حكومه .. بس تصدقى انا لا يمكن اركب حاجه زى دى لو مش حاركب خالص .. برضه احنا اللى علينا الغلط .. ما هو لو الناس قالوا للناس دول احنا بنى ادمين ومش نركب البتاع ده وما ركبوش .. ما كانش حد استخف بينا كده
تحياتى

افروديت يقول...

faroukfahmy58/ أهلا بيك

ميرسي بجدع الكلام الحلو ده بس الحقيقة كتيرأوي عليه أنا هتغربسببك كده
ههههههه

كلك ذوق فعلآ وأتمني تكرار زيارتك

افروديت يقول...

فشكوووول/ ياأهلآلآلآلآلآلآ أزيك أنت يافشكوول أناالحمدلله بخير ويارب تكون انت كمان بخير


بصراحة مش أقدر أقول حاجة خالص مادام أنت قلت روعة يعني أمرك ماشي
رووووووووووعه هههههههه

أماحكاية أننانركب الشيروباص ده أو لأ فادي صعبة شويتين الناس مش هتعرف تروح شغلهاغيرلماتتبهدل في الأتوبيس والشيكرو ده حتي المتروبقي مأساه

لازم نرفض كل خدمة سيئة بتتقدم لينا عشان نعيش بني أدمين زي ماربناخلقنا
ميرسي ع زيارتك يافشكول شرفتني

مصطفى سيف الدين يقول...

انتي جبتي من الاخر يا افروديت لخصتي حالنا في كلمتين
مصري وانتحر
ماسبتيش اي حد يقول اي حاجة بعدك
ومش الميكروباص اللي لوحده الميت
ده اكتر من 90% من الشعب اموات
شكرا ليكي سعدت بتواجدي هنا
واحب اسجل اعجابي باسلوبك

فارس عبدالفتاح يقول...

في حياة الشعوب أجيال يواعدها القدر، ويختصها دون غيرها بأن تشهد نقط التحول الحاسمة في التاريخ، إنه يتيح لها ‏أن تشهد المراحل الفاصلة في تطور الحياة الخالد؛ تلك المراحل التي تشبه مهرجان الشروق حين يحدث الانتقال العظيم ‏ساعة الفجر من ظلام الليل إلى ضوء النهار. ‏

إن هذه الأجيال الموعودة تعيش لحظات رائعة، إنها تشهد لحظات انتصار عظيم لم تصنعه وحدها، ولم تتحمل ‏تضحياته بمفردها؛ وإنما هي تشهد النتيجة المجيدة لتفاعل عوامل أخرى كثيرة واصلت حركتها في ظلام الليل ‏ووحشته، وعملت وسهرت، وظلت تدفع الثواني بعد الثواني إلى الانتقال العظيم ساعة الفجر.‏


إن هذا الجيل من شعب مصر من تلك الأجيال التي واعدها القدر لتعيش لحظات الانتقال العظيمة التي تشبه مهرجان ‏الشروق. لقد عشنا ساعة الفجر، ورأينا انتصار النور الطالع على ظلمات الليل الطويل؛ لقد عشنا فجر الاستقلال، ‏وعشنا فجر الحرية، وعشنا فجر العزة والكرامة، وعشنا فجر القوة، وعشنا فجر الأمل في بناء مجتمع سعيد. واليوم ‏نعيش فجراً جديداً رائعاً، لقد بدأ مشرق الحرية .

إن الشعوب العظيمة لا تعتبر الأبطال من شهدائها مجرد ذكرى، وإنما تعتبرهم معالم على طريق انتصاراتها، وشواهد حق على علو هممها، ودلائل صدق على عزمها الذى لا يلين، وكفاحها الذى لا يتوقف فى سبيل مثلها العليا.

إن شهداء أى أمة عظيمة هم القصص المجيدة على طريق نصرها؛ فالنضال هو تحمل التضحية، وتحمل التضحية هو ثمن الانتصار، ولا يقدر على دفع ضريبة الدم غير الذين يقدرون شرف الحياة.

إن تواريخ الشعوب العظيمة تكتبها دماء الشهداء؛ ومن هنا فإن شهداء أى شعب هم فى حقيقة الأمر حياته المتجددة دائماً، وآماله المتسعة باستمرار، وقضاياه الحقة والعادلة، هم فى الواقع رموز مضيئة لمبادئه الغالية ومصالحه المشروعة، هم حكاية تقدمه، هم دعائم أمنه، هم مسيرته الظافرة.

د.ريان يقول...

مساء العطر افروديت الراقية

ومدونة حلوة وفلة وشمعة منورة

بالنسبة لللقب (أفتخر ) لاتغركِ الألقاب

سيدتي فما فائدة الإفتخار اذا كان

البعض يقولها وهو عبد عند حكومته

ويقولها وتشهد كل خلية به أن مستعبد

وستلاحظين قرب أختفاء ذلك اللقب

اما مصر فقدمت بالفعل وليس الكلام

مايستحق افتخارها سابقاُ وحاضراً

لذلك المصريين لايقولون تلك الكلمة

لأنه فعلهم عبرها للعالم بالصوت والصورة

اما نحن على ماذا نفتخر على مدينة


اغرقت مرتين وسرق منها أموال التطوير

ام على فرحتنا بإجازة يوم واحد

لقب الإفتخار سيكون حكراً لسنوات

على تونس ومصر وليبيا قريباً

ولن يقبل الا من بلد حر لا تتحكم

فيه ماما امريكا

فلا تغركِ تلك الألقاب

اسعدت بزيارتي هنا

ولكم ارق تحية وتقدير

فارس عبدالفتاح يقول...

ازيك يا افروديت

عاملة إيه ، انا كنت معدي قلت ادحرج السلام

Emtiaz Zourob يقول...

من حق كل واحد انه يفتخر ببلده ..

ربنا يحفظ مصر والمصريين ويحفظ العرب وكل الدول العربية ..

دمت بخير .